哈比．跆拳 @ 一個平凡女孩的生活

目前分類：哈比．跆拳 (4)

瀏覽方式：標題列表簡短摘要

Apr 21 Mon 2008 17:47
鈍鈍B

今朝早起身好眼訓, 所以決定走堂, 唔上小朋友個班… 嘩哈哈, 好懶。
訓到成 2 點先起身, 超攰, 印象中訓緊個時, 阿餅好似同我一齊訓,
佢個死仔仲係我個肚上面走來走去, 搞到我發夢以為有老鼠走上我身, 唏 !!

(繼續閱讀...)

Niki Habie 發表在痞客邦留言(0) 人氣()

個人分類：哈比．跆拳

▲top

Apr 21 Mon 2008 01:18
鈍鈍B

　　今朝早起身好眼訓, 所以決定走堂, 唔上小朋友個班... 嘩哈哈, 好懶。訓到成 2 點先起身, 超攰, 印象中訓緊個時, 阿餅好似同我一齊訓, 佢個死仔仲係我個肚上面走來走去, 搞到我發夢以為有老鼠走上我身, 唏 !! 梳洗之後食左個一丁就出門口, 點知今堂要打喎, 有無搞錯呀, 我無帶甲就要人打, 有帶又唔用… 唏 !! 今日打左一場咋, 仲要係打的唔好, 連一個色帶 LEVEL 都不如, 可能係個人肥左, D 反應本能鈍左, 所以成日都企左係度... STUPID !! 眼見自己肥左, 身體又差, 仲有就係鈍左, D 腳又唔靈活, 最慘係 D 體能不斷下降, 唉… 我唔要做鈍鈍 B… 我要減肥呀… !!

　　放左拳之後去左旺角查詢旅行資料, 東京… 嘩哈哈, 不過都未落實架, 有得去就好啦, 因為我想去日本好耐啦 !! 之後去左波鞋街睇波鞋, 打算跑步用, 所以想買對輕 D, 但係又唔想太貴… 不過可惡的飛先生第一時間就潑泠水, 又話留番 D 錢去日本好過... 哎呀, 激死呀, 人地係買黎做運動減肥麻… 哼 !!

　　買唔成就去睇「女拳霸」, 可能係因為電影關係, 有 D 打既場面太誇張, 出來效果有 D 動作慢、唔夠力、好 HEA... 再加上劇情有 D 唔合理, 所以覺得節奏好慢, 入場值得睇的都係個女主角打, 雖然套戲唔抵睇, 但係我都覺得個女主角本身好勁, 跆拳品段黎講, 佢 D 腳踢得都好靚, 加上佢細細粒動作靈活… 總之就 GOOD 啦 !! 我都要積極減肥, 唔要做鈍鈍 B。